EVE Elkarteak hauteskundeak deitu ditu maiatzaren 26rako

Hautetsia izan zenetik 4 urte bete direnean, EVEren egungo Zuzendaritza Batzordeak agintaldia bukatuko du hurrengo ekainean eta, ondorioz, beste Zuzendaritza Batzorde berri bat hautatu beharko da. Martxoaren 4ko EVEren Zuzendaritza Batzordearen bilkuran onartutako akordioaren ondorioz jakinarazten da maiatzaren 26an 15:00 etan izango dela elkartekideen Batzar Orokorraren deialdia elkartearen instalazioetan (Urkotronik).

Hauek dira berritu behar diren karguak:
– Presidentea
– Presidenteordea
– Diruzaina
– Idazkaria
– Bokalak (2)

Estatutuen 17. artikuluak dioenean oinarrituta, Zuzendaritza Batzordeko kide izateko, hurrengo betekizunak bete behar dira nahita nahi ez:

a) Erakundeko bazkide izatea, gutxienez bi urteko antzinatasunarekin, Batzar Eratzaileak hautatutako Zuzendaritza Batzordearen kasuan izan ezik.
b) Kuotak ordainduta izatea.

Bazkideen Batzar Orokorrak aukeratuko du Zuzendaritza Batzordea, hautagaitzak aurkeztu ondoren, eta behar bezala emango da haien berri. Hautagaiak aurkezteko azken eguna 2022ko maiatzaren 22a da. Hauteskundeetara aurkeztu nahi duten elkartekide guztiek haien hautagaitza aurkeztu ahal izango didate hurrengo helbide elektronikoan: luis@iparvending.es.